عشقوها كل العاشقين
قصيدة ( عشقوها كل العاشقين )
بقلم الشاعرة / هنا السباعي
عشقوها
كل العاشقين
حبوا حروفها
وسطور فرحها
عشقوا جراحها
وعشقوا روحها
كتبوا علي مذهب
صباحها …
انتي مين ..؟
ياللي لما بتشرقي
بتصحي ايام وسنين
جاية من اي زمن
وزمانك لمين…؟
قالوا …
ياللي عايشة
في دنيا تانية
جاية دنيتنا
لمين..؟
عشقوا صوت
ساكت ..بيحكي
عن معابد
شهدت اساطير
الدواوين
شهدت الصبر
الجميل ..
وملت العشق
البخيل ..
حكت عن الدنيا
ليالي الموحودين
قالت لمين
مواويل الحنين
سهرت مع نجمة
قلقانة
من ليل الفراق
ولما الصبح
فتح …
كانت اول فرحانة
بنور الاشتياق
عشقوها حتي
فحزنها..
لمسوا اطراف
كفها ..
سهروا في عيونها
وقالوا ليل
صاحب سواده
عابر سبيل
والكل مستني
يقابل وصوله
في سحرها
لو بكيت ..
تبكي الابتسامة
لو فرحت ..
قول علي الدنيا
السلامة ..
عشقوها لما
فهموا اشعار
حرفها
بس هي حبها
مات
من سنين ….!
و مافيش
مكان فقلبها
للحظة انين
ياللي بتسأل
عنها
ارتاح
وسيب جراحها
مرتاحين. ….!
