عريس يا هوووه

0 9

 

 

إيمان العادلى

 

الحلقة السادسة عشر

 

كل يوم أصحى على كابوس أنى فرحى بيبوظ والعريس بيجرى وأنا بجرى وراه والنبى يارب أبعتلى العريس المناسب بس وانا مش حخليه يجرى و ٠٠٠٠٠

 

منى : أيوة يا ماما يا حبيبتى متوفقناش فى ولا عريس لحد دلوقتى

أيه بتقولى فى عريس عندك لدودى

مين أبن تانت توحيدة جارتك اللى فوق ماشى يا ماما خليه يتفضل عندنا بكرة أيوة يا ماما موافقين و ٠٠٠٠٠٠٠ ندى يا دودى تعالى يا قلبى

 

ندى : أيوة انا عارفة بوقين الحنية دول يبقى فى عريس صح يا ماما

 

منى : ايوة يا روحى باشمهندس محمود ابن تانت توحيدة جارة ماما

 

ندى : بجد يا ماما عريس ومهندس كمان

 

منى : ايوة وجهزى نفسك وأستعدى على ما أفرح أبوكى

 

وعدى الوقت

 

شلبى : تعالى يا منى العريس جه هفتحله اهو الباب

اهلا وسهلا باشمهندس محمود أهلا يا حاجة أتفضلوا

 

العريس: أهلا أ شلبى

ماما الحاجة توحيدة

 

منى : اهلا يا حبيبى أهلا يا حاجة نورتونا والله

 

ام العريس : أهلا بيكم يا منى وحشانى يا حبيبتى ليا زمن مشفتكيش مبتجيش عند مامتك ولا أيه

 

منى : بروح يا حبيبتى بس مبتشفنيش

وأهو المناسبة جات اهو وشفنا بعض

 

ام العريس : مناسبة الخير كله يا حبيبتى أمال فين عروستنا القمر يشوفها محمود

 

منى : حالآ اهو هنادى عليها تعالى يا دودى هاتى العصير بدلعها أصلها حبيبة ماما ووالله ما هاين عليا أجوزها

 

ندى : أهلا يا تانت أهلا يا باشمهندس محمود

 

العريس : اهلا أنسة ندى

 

ام العريس : قمر يا حبيبتى تعالى اقعدى جنبى انا ومحمود

 

شلبى : هو حضرتك مهندس فين يا محمود

 

العريس : انا مهندس باور فى السكة الحديد ومرتبى كويس الحمد لله

 

شلبى : ماشاء الله عليك يا أبنى

 

ام العريس: أبنى جاهز من مجامعيه شقة وعفش وشبكة زى ما أنتوا عايزين واللى تأمروا بيه

 

شلبى : نعرف بس الأول رأى العروسة وبعدين نتكلم فى الجواز

 

منى : هههههه بنتى موافقة خلاص انا سألتها

 

العريس : طيب يا عمى انا عندى شقة 3 أوض جاهزة ومفروشة وممكن اغير أوضة النوم يعنى لو أنسة ندى عاوزة كده و٠٠٠٠٠٠

 

منى : جاهزة ومفروشة أزاى يعنى هو مش المفروض اننا نختار احنا العفش على مزاج العروسة ولا أيه

 

ام العريس : وهو العفش ماله يعنى ده مكملش سنتين وجديد لنج وعلى أحدث موديل احنا هنغير أوضة النوم علشان خاطر ندى

 

شلبى : وهو يا أبنى انت فارش الشقة اصلا ليه يعنى مستنتش عروستك تختار هى

 

العريس : مش فاهم يا عمى ما هى اختارت علشان كده فرشتها بس النصيب بقى

 

منى : مين اللى اختارت يا ابنى

 

ندى : أه فى قبيلة فيران بتلعب فى عبى دلوقتى إهئ إهئ

 

ام العريس: منا أبنى يا حبة عينى كان متجوز من سنتين ومراته ماتت وهى بتولد وجابتله محمد يا حبيبى انا بربيه على ما يتجوز ندى وتبقى مكان مامته بقى

 

منى : نعم متجوززز

 

شلبى : بتقولى ايه

 

ندى : إلحقنى يا بابى

 

العريس : هى مامة حضرتك مش قلتلك ظروفى ولا ايه وأنتم وافقتم أجى اشوف العروسة

 

منى : (طيب يا ماما أستنى عليا)

لا يا حبيبى محدش قالنا حاجة

 

ام العريس : طيب كويس أديكم عرفتم اهو ايه رأيكم فى أبنى

 

شلبى : معهلش يا أبنى طلبك مرفوض

 

ام العريس : وبتتأمروا على ايه أيش حال البت بايرة ومبيجيش لها عرسان

 

ندى : مامى إلحقينى

 

منى : أسكتى انتى يا دودى

انا بنتى بايرة يا ام أربعة وأربعين أنتى

ده أبنك وش فقر وموت مراته و٠٠٠٠٠٠

 

شلبى : بس يا منى كفاية كده ومتنطقيش ولا حرف تانى

ويلا مع السلامة يا أبنى

 

ندى : إهئ إهئ يا بختك يا دودى

 

أستنونى بكرة وعريس جديد