فتحي موافي الجويلي
جمال وحنان
والحب الكبير العميق إيلي ملهوش بديل ماهي عشرة سنين آه والله العظيم ..الأحترام المتبادل والثقة المتبادل حيجعل الأمر صعب ومش هين كمان
وتقيل علي نفس وقلب حنان ..
ولكن مفيش،مفر الله المستعان.
يا حنان.. يا وردة البستان والربيع والاحلام
يا نبض القلب وانت النفس وانت الحياة
من غيرك متسوش لحياتى مكان.
عاوز أقولك. ومتزعليش كلمتين مش من عندي
دول من الحاج والحاجة علشان العيال.
حنجبلك أخت ليك وجاره تسمع كل الكلام
تخدمك وتؤنسك. وتسكن جنبك.وتسليك
وتحاكيك. وتكون أخت ليك..
وتجيب للحجاج وريث وعيل يملأ عليهم
الدار فرحه وسعاده وسرور. ..
ويشوفوا خلفت أبنهم قبل الفراق..
ونفسي ارضيهم وأنال رضاهم ورضي الإله.
قولتي آيه يا ست الناس وروح جمال..
تجوز. يا جمال وتجبلي درة تملأ البيت عيال
وتعكنن علي عقلي ووقتي وتخدك مني يا سلام
ابدا. ابدا احلفلك بأيه يا حنان ده علشان
أبوي وأمي والعيال. .بس انت إيلي بالقلب
وبالنبض. وبالفؤاد…انت الكل فى الكل
وست الدار. وكله حيعملك. الف حساب..
يا جمال انا من بعدك يحرم علي الجواز.
والحب والحنان. دة طيفك هو الاحساس
ونفسك هو رحيقي. وأنت لي معني الحياة
يا جمال مقدرش ازعلك واقول لك لا….
مليش بعدك قوله يا تاج رآسي يا سيد
الناس ..انت الحب الاول والأخير ..
وانت الحياة لو كانت لي حياة..
انت عمرك مزعلتنى باللفظ وإلا باليد أو باللسان
دايما جابر بخطري ..وشيلنى من الأرض شيل
فوق الرؤس و فوق الناس..
يا جمال انا خدمتك وأمري بين إيداك افعل
في ما ترضاه وتشاء. دا انت الحب والحياة.
بس نصيحة وطلب يا ذو الفضل والإحسان.
أوضتها ما تكونش جنبي وخليها بعيده عني
وبعيده عن العين كمان..واعدل ما بينا ومتكنش
حديث أو مادة لكلام الناس…
انا الأولي ومش القديمه انا ست الدار
والكلمه كلمتي…سواء جابت من العيال خمسات
أوعاك والغفلة والنسيان وحب الترتر والمكياج
وتروح بحضن الليل وتنام..
ومتسمحش للصوت العالي يخش الدار ويتربع
علي قلبك وتبقى لعبه بأيد النساء،،،
وآياك يخيل عليك كهن ولئم الحريم
.وآياك وكيد النسا ده اقوي من السحر
وأشد.من نار إبراهيم..ده يخرب البيت
العمران ويدمر الدار ويجعله مكمن للشيطان.
تمام. تمام…قبل الفرح باسبوعين
أروح بيت ابوي علشان صعوبه الموقف
وعلشان تخدوا رحتكم بالفرح كمان.
ومش حاجي إلا بعد اسبوعين من
الفرح تكون فرحت بعروستك
يا جمال. عاهدني يا جمال
اعاهدك يا حنان.
مبروووك
وإلي حلقه جديدة من
حكايات ورويات قريتنا
فانتظروها هنا ..
بنفس الميعاد..
٢٤/١/٢٠٢٠
