جبنة فلامنك ام ورقة حمرا

 

هاتي كيلو حليب في حلة علي النار اول مايبدا يغلي ضيفي عليه عصير ليمونة او ٣ ملاعق خل لحد ما يفصل ويجبن

خدي قطع الحبن و صفيها جيدا علي مصفاه سلك لحد ماتكون متماسكة

 

حضري في طبق ملعقة كبيرة ماء وضيفي عليها نصف ملعقة ممسوحة ملح ليمون وقلبي جيدا لحد ما الملح يختفي ثم ضيفي عليها نصف ملعقةصغيرة بيكنج صودا اول ما تضيفيه حيعمل فوران قلبي كويس وضيفي كمان رشة كركم

 

حضري الكبة وضعي فيها الجبنة وخليط الماء بالملح والكركم والبكنج صودا

وضيفي عليها ملعقة صغيرة ممسوحة ملح

واطحني كل المكونات في الكبة جيدا

لو لقيتي القوام ثقيل ضيفي عليه ملعقة حليب

لحد ما توصلي لقوام كريمي متماسك

 

خدي كل الخليط من الكبة وانقليه علي طاسة علي نار هادية مع التقليب المستمر لحد ماتلاقي الجبنة بتمط

 

انقليها علي طول في علبة بلاستيك تستحمل الحرارة مدهونة زيت وغطيها واتركيها في الثلاجة ليلة كاملة

 

قطعيها شرائح واعملي بيها احلي سندوتشات