التجربه الاولي من مصر: يحكي عمار من مصر ..انا عمار من مصر حياتي عاديه جدا وغير منشغل بأمور الجن والعفاريت في احد ايام الصيف وانا نائم ليلا شعرت بأن جسدي كله في شلل تام ومكنتش قادر احرك اي جزء من جسمي وحسيت بنفس حد واقف قدامي وكان النفس ساخن جدا ،التكتيفه دي استمرت شويه وبعدين حسيت اني بقيت طبيعي وقدرت احرك جسمي عادي ،قمت دخلت الحمام ولكن حاسس ان في حد بيراقبني وحسيت بنفس الهوا السخن في وشي ، وانا طالع من الحمام لمحت شخص بشع الملامح بيبصلي وهو مبتسم من مرايه الحمام.
التجربه الثانيه: انا اسراء من القليوبيه كان عندي دبدوب بحبه جدا ومعايا في اوقات كتير وكان دايما بينام في حضني في يوم من الايام صحيت وانا خايفه وكان جسمي كله مشلول ومش قادره انطق ولا اصرخ ولقيت الدبدوب واقف في وشي وبيقولي مش هتقدري تكلمي لان محدش هيسمعك ..فقدت الوعي من كتر الخوف ولما فقت ملقتش للدبدوب اي اثر ولحد دلوقتي الدبدوب مختفي.
التجربه الثالثه: مش مهم اسمي انا استاذ م.ع تبدأ قصتي لما جدتي ماتت ، جدتي كانت ساكنه في شقه صغيره لوحدها ..، وخالي كان ساكن هو ومراته فوقها بدور .، خالي بيقول انه بيسمع صوت جدتي وصوت كل حاجه في البيت كأن جدتي لسه عايشه.
التجربه الرابعه: انا منصور من مصر اول تجربه حدثت مع اخويا ، في يوم كان اخويا نايم في البيت لوحده والنور قطع وهو وقع من علي السرير وحد قاله ( استعيذ بالله من الشيطان واستغطي ونام)!! مع العلم ان البيت كله كان نايم ده حصل مع اخويا .
اما انا في يوم من الايام كنت انا واخويا لوحدنا في البيت وعلي باب اوضه اخويا شفت خيال اسود طويل ..دخلت الاوضه لقيت اخويا نايم.
التجربه الخامسه: انا عائشه السيد من السعوديه واسكن حاليا في مصر سأقص عليكم قصص وتجارب كثيره اول تجربه حدثت لي عندما كنت في زياره عند اخي في المدينه المنوره ..دخلت غرفه الضيوف بدلت ملابسي وتركتهم علي كرسي الانتريه بعد الترحيب وتناول الغذاء مع اخي بنات اخي كانوا يريدون الخروج معي قمت البس هدومي فضلت ادور علي الطرحه مش لاقياها دورنا في كل مكان ولم اجدها اخدت طرحه من بتوع بنات اخويا وخرجنا ولما رجعت لقيت الطرحه في نفس المكان في الغرفه بنفس الطريقه والشكل اللي انا سبتها فيه!!!
تاني موقف حصل معايا: مرة المفتاح القديم ضاع مني ودورت عليه ملقتوش فزوجي قال اني اكيد نسيته في الباب زي ماانا متعوده وقال لازم نجيب قلب جديد عشان السرقه ..، جبنا قلب جديد للباب وزوجي واقف بيركبه وانا واقفه وامي وبنتي واقفين وفجأه نلاقي المفتاح القديم بيقع علي الارض جه منين ووقع ازاي ومين اللي رماه!!
تالث موقف حصل معايا: كنت زمان في بيت والدي بشوف خيالات حجمها اكبر من حجمي او نفس بارد في وشي وكانت الخيالات دي احس بيها وتحجب عني الضوء وابص ورايا اشوف مين ملقيش حد ودايما كنت بحلم بتعابين في الشقه والحمام.
التجربه السادسه: من السعوديه في المدينه المنوره بعيد عن الحرم قرب الجبال كان هناك رجل يتناول العشاء دخل عليه كلب وسرق الطعام فقام الرجل بقتل الكلب في اليوم التالي دخل ضابط علي الرجل وقال له انه مطلوب في قضيه جريمه قتل .، الضابط اخد الراجل في وسط الصحراء وكانت هناك محكمه وقضاه ومستشارين وقالوله انت بتتحاكم بتهمه القتل قالهم انا مقتلتش حد غير الكلب اللي سرق الاكل قالوله الكلب ده من معشر الجن ..، واحنا مش هنقتلك عشان عارفين ان الجني ده مؤذي وهو هجم عليك ولكن لازم تعرف انك متقتلش اي حيوان بليل يدخل عليك عشان احنا بنتشكل بليل بهيئه قطط وكلاب واشكال كتير جدا….، اذا الظابط والمحكمه كانوا من الجن!!!!.
التجربه السابعه: من السعوديه تقول الاخت دينا اخواتي كانوا يسيرون بسياره في منطقه الطالعه وهذه المنطقه مسكونه بالجن ولا احد يمر هناك الا ويري الجن ، وفي حد شاورهم ولكن طبعا اخواتي موقفوش لانهم عرفين ان ده جن وجري وراهم وبصلهم من زجاج العربيه وكان عينه وشعره ووشه بيض تماما!!!.
المنطقه دي اسمها طريق الهجره القديم بين مكه والمدينه ( الطالعه) في المملكه العربيه السعوديه.
التجربه الثامنه: من مصر تقول ناديه جدي الله يرحمه زمان كان واقف علي كورنيش النيل قبل ما الكهربا تملي الدنيا..، لقي واحده ندهتله بإسمه وقالتله هات الولد ده ليقع في البحر ولما جابوا واداهولها لقا عنيها صفرا ومشقوقه بالطول!!.
التجربه التاسعه: من بلاد المغرب اكثر دوله معروفه بالجن والسحر والعفاريت يكثر فيها السحر بشكل كبير ..، انا سميه من المغرب من وانا صغيره وانا دايما بشوف اشياء غير طبيعيه وبسمع اصوات وهمسات غريبه كنت بشوف الجن بأشكال غريبه ومتنوعه كنت معزوله عن الناس .، كنت اعشق العزله كنت دائما امرض في المدرسه لاني كنت اري الجن علي الجدران ويأتي احد يهمس في اذني بكلام غير مفهوم ، كنت اعشق الدمي بشكل هستيري وكنت دائما اسمع شخص ينده عليه ولا اجد احد ، لدرجه ان الجن والعفاريت اصبحوا بيتجسدوا في صوره امي وابويا واخواتي ، طفولتي مرت معزوله عن العالم الخارجي كنت اعشق العزله ولا ارتاح الا في الحمام ودايما ابكي واصرخ في الحمام ، في الليل لما امي كانت بتطفي النور وانام كان في شخص مرعب طويل جدا بيجي يصحيني وكنت بقوم اصرخ كنت دايما بمشي وانا نايمه وبروح اماكن مهجوره في نص الليل واهلي يرجعوني ، فضلت علي هذه الحاله كتير وروحت لشيوخ واطباء نفسيين وكنت بضحك عند قراءه القرآن واحس بخنقه وكنت بكره القرآن ودايما اسد اذني عند سماع الآذان ، وكنت دائما اري رجل مسن بشع الملامح يلبس اسود ويجلس عند عتبه الباب انا فقط من اراه ..، وكنت اشعر بشخص ينام بجانبي ليلا ..، وصلت الي سن العشرين وحاولت ان اعالج نفسي وسئلت عن شيوخ مهمين في البلد كلما احاول الذهاب لاي شيخ تحدث كوراث وحرائق ومرحتش لاي شيخ ..، وبقا يجيني بليل راجل اسود ويقولي انتي بتاعتي وكل اما ادخل في علاقه لازم تفشل يعني عمري مكملت في علاقه.، وبدأ يكون عندي قوي خارقه بقيت بتنبأ بالموت والمرض وبيحصل وبقيت امسك القلم واكتب اللي هيحصل وفعلا احيانا بيحصل!!،
لحد ما اتجوزت وبقي عندي ولدين قعدت متجوزه خمس سنين ولكن اتطلقت بسبب كرهي لزوجي بدون سبب وكان كل يوم تجيني قطه سوده تفضل معايا في القوضه ومش بتطلع واحيانا يجيني حد يديني صليب ..، المهم بعد طلاقي الجن بدأ يكلمني واجبرني علي ممارسه السحر وانا حاليا ساحره في المغرب بعمل كل انواع السحر.
التجربه العاشره: انا عبد الحميد من مصر سني ٢٣ سنه ، زمان في مرحله المراهقه خصوصا في تانيه اعدادي كنت بعشق مجال ماوراء الطبيعه وكنت دائما ابحث عن الامور الغامضه وكنت اقرأ كثيرا عن الجن والعفاريت والسحر ..، وقررت ان اقرأ في كتب تحضير الجن وبالفعل اشتريت كتابين لتحضير الجن ..، لا اذكر اسماء الكتب ولكني بدأت بقراءه تعاويذ وعزائم وانا لا ادري مدي الكارثه ، فبدأت بسماع اصوات غريبه وهمسات وبدأت الكوابيس تطاردني ودائما اراهم في المرآه ، وكل يوم كان في شخص قصير يقعد قدامي وانا نايم واحسه بيقول انت من احضرتني ، عانيت كتير وحياتي بقت جحيم لحد محرقت كل الكتب وبدأت اقرأ قرآن والحمد لله الجن ده انصرف.
التجربه الحاديه عشر بعنوان المنزل الملعون: انا سلمي من القاهره احب اقولكم اني عايشه في بيت مسكون بكل انواع الجن والشياطين ، انا دايما بشوفهم وبكلمهم وكمان اولادي الصغيرين محمد ومني بيشوفوا الجن ، انا سكنت جديد في الشقه المسكونه دي من وانا علي الباب سمعت صوت ست بتصرخ ..، قلت لجوزي ولكن هو مصدقنيش بقعد كتير بليل انا وابني عنده سنه ونص، ابني بيبص للسقف وللجدران وللمرايا ويصرخ وانا مش شايفه حاجه ، سبت الاوضه اللي جنب الحمام وروحت اوضه تانيه ، الاوضه اللي جنب الحمام دي كنت شوفت فيها اتنين رجاله لابسين جلابيب سود ولازقين في بعض بدأت احس ان حد بيمسك رجلي وانا نايمه وبدأت اسمع صوت خشن جدا بليل ، كمان قبل كده وانا في المطبخ شوفت زي دخان اسود اتشكل علي شكل راجل اسود كل جسمه شعر وعيونه مشقوقه بالطول ، قبل كده كنت بتصور وبعد متصورت لقيت عفريت معايا في الصوره وعيونه طالعه لبره!!.
ابني دخل الاوضه اللي جنب الحمام وفي حد ضربه من الجن علي دماغه وفضل تعبان سنه ونص وروحنا لاطباء كتير ولكن بدون جدوي ، لحد مخف بفضل الله لما روحنا لشيخ من الازهر، وفي يوم تاني ابني نزل للمدرسه ، والجن ظهر لبنتي ووصفته بتقول ان جسمه كله شعر ومش لابس هدوم ومن يومها وهو بيظهر لبنتي وبيقولها انه مسيحي دورزي ومش بيخاف من القرآن وبيقول انه ساكن في الحيطه ، لغايه دلوقتي دايما بشوفهم وبسمعهم وسعات بيشدني من شعري وانا بتوضي ، وكل اما اشغل قرآن علي الكمبيوتر يتحرق ، والتليفون اما بشغل عليه قرآن بيختفي!!!!
جبت شيوخ كتير جدا ولكن بدون فايده بيقولولي سيبي البيت لان البيت بقي بتاعهم .
سبب كل ده ان كان في ساحر ساكن في البيت قبلنا وكان بيحضر جن ارضي !!!.
التجربه الثانيه عشر: انا ممدوح من مصر انا من سكان الشرقيه سني ١٧ سنه الحكايه كلها ان والدي بيقرأ كتب تحضير جن وبيحضر جن فعليا ، في يوم كنت راجع من الدرس لقيت والدي قاعد في قوضته ومولع ٣شموع سوداء وراسم حجات غريبه ورموز علي الارض والجدران وقاعد يقول تعاويذ مش فاكر منها غير ( سبوح اجب بعظمتك يا ميمون العظيم..).
دخلت اوضتي حاولت اذاكر ولكن حاسس ان في حد معايا في الاوضه وبدأت اسمع اصوات في ودني وهمسات كتير ولقيت في خيالات بتتحرك علي الجدران خيالات طويله وقصيره ، معرفتش اذاكر خالص وطول الوقت شايف الخيالات دي وسامع ابويا بيزعق بكلام غريب وبدأت اسمع صوت غريب بيكلم ابويا ..، المهم حاولت انام وقفلت الباب وجالي كابوس غريب جدا..حلمت اني في المقابر وفي مخلوقات بشعه بيعذبوني وبعدها رموني في قبر ولقيت والدي في القبر ده، قمت من النوم مفزوع وعايز اقلكم اني لسه بشوفهم علي الحيطان وفي المرايه وفي الحمام!!!.
التجربه الثالثه عشر(شبح في الطابق السادس عشر): الموظفات اللواتي يعملن في الطابق السادس عشر من احد الابراج التجاريه في هونج كونج يترددن في الذهاب الي غرفه الاستراحه في هذا الطابق لسبب واحد وهو ان هذه الاستراحه مسكونه بشبح يظهر احيانا ثم يختفي !
وذكرت صحف هونج كونج ان الموظفه سوزان يونج قالت ان الشبح اقترب منها عندما كانت تغسل يديها وهمس بإسمها!
واخذ مدير الشركه شكوي الموظفات بجديه كامله، واستدعي مجموعه من الرهبان البوذيين من طاردي الاشباح لطرد الشبح، فأقام الرهبان ما يشبه المعبد في احدي زوايا الاستراحه ووقفوا ساعات يرددون الترانيم ويحرقون الاوراق، وبعد انتهاء الطقوس قال الراهب نبكسي”شعرت بغياب الحياه في الغرفه وكأن لا شئ فيها الا الفراغ”، فسأله مدير الشرطه:” المهم هل سيعود الشبح”؟ فأجابه:”الامر يعتمد علي درجه التطهير التي حصل عليها ، فإذا لم يتم تطهيره تماما فإنه سيعود”!!.
التجربه الاخيره: من مصر تقول حبيبه: كنا في شقتنا القديمه المياه بتفضل مقطوعه مش بتيجي الا بليل وطبعا لا مفر من السهر الاحداث بدأت لما اخويا حط مبلغ في الدولاب صحي لقاه ناقص ولما كنا بنشغل سوره البقره كانت اللمبات بتتحرق وبيحصل خناق رهيب وحراره في البيت، بدأ اللمبات ترعش لوحدها بليل والاقي قطه سوده قدام باب الشقه ولما بسهر بليل كان في كيان اسود بيمر من قدامي وهوه مبتسم، بدأت اختي تسمع ضحكات وصرخات بليل …وبدأت اسمع صوت بيصدر من دميه عندنا ، في النهايه اكتشفنا ان البيت مسكون!!.
يجب عليك تسجيل الدخول لكتابة تعليق.