هي مش مشكلة هي فضفضة

1

هي مش مشكلة هي فضفضة

الحمد لله ربنا انعم عليا بنعم كتيرة لا احصيها

انا تزوجت قريبي بس مش كنت متقبلاه خالص مش كنت ف بالي اي حد بس تزوجت يعني ممكن تقولوا غصب بس برضايا او يعني عشان ميحصلش مشاكل ف العيلة

بس مفيش قبول نهائي قعدت فترة بحاول أتأقلم بس انا مبعرفش اعيش وانا بكدب

انا شايفاه زي اخويا ازاي اشوفه زوج حسيت نفسي كدابة

المهم بعض مواجهات مع الاهل انفصلنا

والحمد لله علاقتتنا عادية بيني وبين اهله لكن هو مفيش اي حوار بينا احتراما لزوجته

حتي بنتي بتروح عنده والدنيا تمام

انا بعده كنت رافضه فكرة الارتباط نهائي

لمدة سنتين بعد الانفصال بعدين قدرا

شوفت واحد وتواصلنا بخصوص الشغل

ولما حسيت ان بدات اتشد ليه بدات اتهرب من شغلي بسبب كده هو حس بكده وجه اتقدم ليا مباشرة بصراحة مش كنت لسه واثقة ف مشاعري تجاهه ولاول مره اعمل حساب لمشاعري ف حياتي رفضته

ورجع التعامل تاني ورجع اتقدم تاني وثالث ورابع وخامس وسادس ومش كنت انا اللي برفض ف المرات دي كان والدي وبعد

ست سنين يعني من سنة وجع اتقدم مش فاكرة للمرة الكام وابي وافق لكن تم تاجيل الموضوع لظروف مرضه

وبعد شهر توفي ابي وتوقف كل شي

وبعد شهر تقدم كمان لاخواتي وهنا بقا اخواتي رفضوا ومش بس كده وصلوا لاهله كلام مش كويس عليه كتير

المزيد من المشاركات
1 من 44

اهله بقا اتضايقوا ع ابنهم وهو حس ان كرامته اتهانت لما فيه الكفاية وقرر يبعد افضل له

انا بحبه يمكن هو مبعرفش اني مش بس بحبه انا بعشقه بس انا مقدرش اروح اتجوز بدون ما يكون اخواتي معايا مش عشانهم

بس عشان اسم الراجل الطيب اللي انا شايله اسمه والست اللي بيضرب بيها المثل ف اي مكان بنتهم تروح تتجوز من ورا اخواتها

رغم اني بصراحة عرضت عليه بس من ورا عقلي رد قالي انتي مش قليلة عشان اخدك بالطريقة دي

اخواتي عايزين اتجوز واحد تاني وبيقولي ليا ليه هتترهبني عليه

مش قصة عليه قصة اني مبعرفش اكدب ف مشاعري. انا انفصلت عن طلقي عشان مش متقبلاه رغم اني عمري ما فكرت ف حد غيره ولا كان ف بالي حد مكنتش مقتنعة بفكرة الحب اصلا وصونته وكان بيقولي لو عارف ان ف حد ف قلبك كنت قولت عايزة تنفصل عشانه لكن انا مربيكي وعارفك

عايزني اتجوز وانا عقلي وقلبي مع شخص تاني ازاي مش حرام عليا اكدب

مش مقتنعين يقولوا عادي

ازاي اسمي يكون جنب اسم واحد وانا قلبي ف حد تاني ازاي اظلم واحد مالهوش ذنب

شايفين عادي اخون اللي اتجوزه مش خيانة

مجرد التفكير بالنسبة ليا خيانة

مش حاسييين بيا وقلبوا عليا لمجرد اني مش عايزة اتجوز اللي هما عايزينه

 

الرد على مشكلة بريد القراء من بوابة العاصمة:

 

الثيب لا تستأمر من حقك تتجوزيه بدون موافقة اخوتك ولابد من البحث فى أسباب

الرفض المتكرر والذى  لم يتم ذكره راجعي اخواتك واوصلي معاهم لحل

 832 مشاهدات العاصمة,  25 views today

تعليق 1
  1. admins يقول

    الرفض المتكرر والذى لم يتم ذكره راجعي اخواتك واوصلي معاهم لحل

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد


Windows Lizenz Windows 10 Lizenz Office 2019 Lizenz Kaufen Office 365 kaufen Windows 10 Home kaufen Office 2016 kaufen windows 10 satın al windows 10 pro satın al
%d مدونون معجبون بهذه: