![](https://i0.wp.com/bwabtelasyma.com/wp-content/uploads/2024/04/received_881039605900384.jpeg?resize=380%2C253&ssl=1)
انا ف ورطة حرفيا انا بنت عندي ٣٣ سنة دلوقتي ومخطوبة و باقي ع فرحي شهرين بالظبط و بابا متوفي و ليا ام و ٥ اخوات بنت كبيرة متجوزة و مخلفة وحالتها المادية كويسة جدا
و ولد متجوز و عايش برا ف دولة اجنبية و حالته كويسة و ولد لسه ماتجوزش عنده ٣٥ سنة و حالته احسن من الاتنين و ربنا كارمه جدا جدا و انا و اخويا الاصغر مني عنده ٣٠ سنة و مش معاه فلوس يعتبر
ندخل ع المشكلة دلوقتي محدش راضي يجبلي جهازي خالص ولا المطبخ ولا الاجهزة و لا سجاد ولا اي حاجة
اخواتي الاول قالولي هانبيعلك قطعة ارض بس اختي اعترضت و قالت لا بيعو من نصيبها هيا و اكتبو كدا ف الاوراق يا اما تدوني زيها برا التقسيم راحو لغو الفكرة و لقيتهم مجهزينلي ورقة وبيقولولي امضي انك استلمتي ورثك و هانجبلك جهازك و هانديكي قطعة ارض قولت تمام بس لما جينا للتنفيذ لقيتهم بيقولولي هيا ١٨٠ الف و قللو قطعة الارض للنص قولتلهم الفلوس مش هاتكفيني زودوهم قالولي دبري امورك او هاتي قرض ع شغلك روحت اجيب قرض م البنك معرفتش عشان انا لسه شغالة بالعقد ومش متعينة و مرضتش اجيب م تساهيل لقيتها فوايد غالية و مش هاتديني كل المبلغ الل محتاجاه ومحدش ف قرايبنا رضي يديني فلوس سلف عشان عارفين ان اخواتي معاهم فلوس
بابا الله يرحمه سايب ارض مباني و ارض زرع و بيت كبير
جمعت العيلة و جبت خالي عشان يجبولي حقي و فعلا وقفو ف وش اخواتي كتير وقالولهم هيا حقها اكتر من كدا و المبلغ دا مش هايكفيها بس بردو ماستجابوش و قالو هو دا حقها و قالو احنا من حقنا نخصم فلوس من الورث ف خالي قالهم حتى بعد ماتخصمو هيبقا اكتر من كدا حتى خلوها ٢٥٠ الف بس مرضوش
اخويا عشان يضغط عليا اوافق راح كلم حمايا و قالو احنا مش ف مقدرتنا نجيب الجهاز و ياريت تجبوه انتو
قالو لا طبعا احنا جايبين حاجات كتير و كدا عبء علينا
المهم راح خطيبي كلمني ف قولتلو الحقيقة انهم بيضغطو عليا عشان استلم اقل من حقي و دا مش هايكفيني اجيب الجهاز
في حاجة عايزة اقولها انهم السبب ف تاخير جوازي لحد دلوقتي محدش مهتم بيا كانو بيرفضو العرسان وخلاص لحد ما الناس ضحكت عليهم و عمرهم ماحد فيهم سالني اذا كنت محتاجة حاجة من يوم ما ابويا اتوفى بقالو ١٠ سنين انا كنت بتصرف و اشتغل اي حاجة عشان اجيب مصاريفي الشخصية هاتقولولي امك موقفها ايه هاقولكم بتخاف منهم و مش قادرة عليهم
دلوقتي ان مش عارفة اعمل اية و اتصرف ازاي خطيبي انسان كويس جدا و مش عايزة خطوبتي تتفسخ ومبقاش في عمر عايزة اراء الناس اعمل اية انا دماغي وقفت
رد بريد قراء بوابة العاصمة
لا حول ولا قوة الا بالله نفترض بنت مالهاش ورث
ووالدها إتوفى ما إخواتها ملزومين يجهزوها عموماً
ما تضيعيش حقك وورثك الشرعى عشان شوية
معالق وأطباق واتجوزى على قد المتاح او خطيبك
يتجوز ويكمل الناقص لويقدر وتلغى ليه القايمة
وإنتى شوفى محامى و إعملى إعلام وراثة وجنبى
نصيبك الشرعى من الارض بالقانون ووقت
ما يحتاجوا يبيعوا يا هيشيلوا هما نصيبك
بحق ربنا وتاخدى حقك يا اللى هيجى يشتري
منهم هيتعامل معاكى على الجزء الخاص بيكى
بعيد عنهم ووقتها هتاخدى حقك من غير
ما حد يستغل ظروفك وربنا يفرحك
ويتمم عليكى بخير يارب
يجب عليك تسجيل الدخول لكتابة تعليق.