ام_بهانة ( وجع من الصعيد)
رانيا اسامه
آآآه يابهانة
يابتي غتيني اني تعبانِة
هزلانة يا بتي وعشطانِة
@اية يامة في أية؟؟
ليلك ونهارك عايطة عليه انا ليه؟؟
هو انا فاضية لكل شوية
هاتي ودي.. واه يعنية
=حجك عارسي وعلى عيني
ماهاعايطك واصل فسنيني
اصل يابنتي من ياجي سنين… خرجت من روحي روحين تانين..
فكرتك تحويشة عمري
فكرته عمود يسند ضهري
واحد فارج بعد ماشبعته طعام وحنين
والبت اهي جاية وعصيانة
زهجت من اوما المرضانة
بعد ما ربت طفحت كدت…
روحي يابتي نفسي اتسدت
ربك يجبر روح اتكسرت
من خلفة لانفعت ولا شفعت..
@حجك ع راسي ياست الناس
والله لحب العين والراس
، نمتي ياحجة؟؟ .. ردي عليه؟؟
يامة انابتك… شوفي عنية؟؟
عايطي بهانة… اني تعبانة
بتروحي لجبرك غضبانة ؟؟
Rania Ossama
