الفراخ بالجبنة المقلية والبطاطس الودجز

إيمان العادلى

جبتلكم طريقة جديدة للفراخ طعمها تحفة وسهلة طبعا

مقادير الفراخ:

صدور فراخ مقطعة صغير جداا
كوب بطاطس مبشورة
2 بيض
كوب جبنة ( رومي او مونزاريلا أو شيدر)
ربع كوب دقيق
بقدونس أو ريحان مقطع صغير
ملح وفلفل
رشة جوزة الطيب (اختياري)

الطريقة:
نحطهم كلهم مع بعض ونعجنهم كويس ونسيبهم ف التلاجة ساعة ونطلعها ونشكلها ونقليها في زيت ساخن ونوطي النار عشان تستوي كويس وخلي بالك حتبقى لازقة ف الأول استنى شويه تستوي من تحت وبعدين تقلبيها الناحية التانية وتطلعيها ع مناديل وبس

مقادير البطاطس الودجز:

بطاطس متقطعة كبير
2 م.ك زيت زيتون
1 م.ك دقيق
م.ص من ( الملح والفلفل و البابريكا و الثوم البودر والزعتر او الروزماري)

الطريقة:
نقطع البطاطس ونغسلها ونصفيها ونحط عليها الزيت زيتون ونقلبها كويس ونحط باقي المكونات ف طبق نقلبهم سوا وبعدين نحطهم ع البطاطس ونقلبهم كويس وندهن صينية زيت أو نحط ورق زبدة ونحط البطاطس وندخلها ف فرن ساخن لمدة ساعة الا ربع تقريبا وبالهناوالشفا