بوابة العاصمة نافذتك على العالم

الصراحه انا معرفش بكتب ليه يمكن محتاجه افضفض او اسمع كلام يريح الوجع اللي جوايا انا زوجه من ٨ سنين عندي ٣ اطفال

0

الصراحه انا معرفش بكتب ليه يمكن محتاجه افضفض او اسمع كلام يريح الوجع اللي جوايا انا زوجه من ٨ سنين عندي ٣ اطفال عرفت زوجي قبل الجواز بفتره عن طريق صديقه ليا مكنش معاه اي حاجه كان لسه بيدور ع سفر عشان يسافر وبما اني كنت انا وبابا صحاب جدا حكيت لبابا الله يرحمه عنه بابا قالي خليه يجي يتقدم واحنا هنقف جمبه هو باباه ومامته منفصلين من وهو في اعدادي جه بالفعل واتقدملي وقرينا فاتحه بدون شئ وسافر وبعد فتره بعت جبت شبكه رمزيه مقابل انه يجهز ونتجوز وبالفعل اتجوزنا في خلال سنه وشهرين وسافرت معاه وكان اول ٣ سنين في حياتنا كويسين جدا ومفيش اي مشاكل حصل مشكله في الشركه ونزلنا من السفر واهلي وقفوا جمبنا فتره وسافر لبلد تانيه كنت وقتها انا حامل لتاني مره ولدت وبعد مده سافرتله وبعد مده اكتشفت ولاول مره انه بيخوني ويعرف ستات انهارت طبعا واتخانقت معاه ولاننا في غربه مكنتش عارفه اعمل ايه وعدت الدنيا وربنا كرمني واشتغلت انا كمان وكنت بدخل مبلغ كويس جدا كنت بديهوله كله اشترينا ارض وكتبناها باسمي وبعد فتره اكتشفت برضه انه بيكلم ستات وحصل مشكله وصمم اني انزل مصر وبالفعل نزلت بقيت اكلمه يقولي كفايه عليكي ٥ سنين جواز انا عايز اعيش حياتي وانا كان معايا طفلين وانا بحبه جدا مكنتش شايفه اي حد في حياتي غيره هو كان كل حاجه ليا قفلت حياتي عليه وع ولادي وبس وكنت حابه بيتي الصغير ده حجزت تذاكر سفر انا وولادي من غير مايعرف وسافرت عشان احافظ ع بيتي اتصلت بيه في المطار قولتله اني في المطار تعالي خدني بالفعل جه وقالي انه كان هيتجوز كنت فكراه بيكدب بس انا شوفت المحادثات بينه وبين البنت اللي كان هيتجوزها ولما انا رجعت ساب البنت وعشت معاه سنتين ونص في السنتين ونص دول ربنا كرمني بإبني الاخير بدون ترتيب للحمل وقتها زعلت بس الحمد لله رضيت وكله رزق من ربنا وهو كان فرحان وخلال السنتين ونص دول انا كنت بشتغل برضه وفلوسي كنت بصرفها في البيت وايدي ع ايده وكنت بعرف برضه انه بيعرف ستات بس مكنتش بعرفه وادعي اقول ربنا يهديه وربنا عالم انا مكنتش مقصره معاه ابدا في اي حاجه اكل واهتمام بيه وبالولاد مكنتش بنام غير لما هو ينام انا بحبه جدا بحب اكون معاه ٨ سنين جواز مفكرش مره يصالحني ولا يقولي انه غلط في حقي كان بيغلط وانا كنت بصالحه عشان مبحبش اخاصمه او نزعل في شهر ٧ اللي فات جه وقالي انا عليا ديون هنا والمدارس بقت غاليه عليا قولتله انا هشتغل زياده وهساعدك ونقلل مصاريفنا وننقل في سكن اقل نقدم للولاد سفاره جبتله كل الحلول عشان نفضل مع بعض مرضيش وصمم اننا ننزل وبالفعل خدت ولادي ونزلت ومن بعد مانزلت بقت حجج انتي مابتروحيش لامي غير كل اسبوع انتي اخر مره كلمتيها امتي انتي مبتحبيش اهلي انتي مش عايزه تتعاملي معاهم وكل لما نتكلم يقفل السكه في وشي وانا اتحمل وارجع اكلمه اقول مضغوط لغاية لما في مره عملي بلوكات من ع كل حاجه مبقتش عارفه اوصله اكلم اهله يقولولي منعرفش نزل اجازه مصر وراح عند حماتي طلب ياخد الولاد يشوفهم قولتله تعالي بيتك موجود قالي انا معنديش بيت بعتله الولاد يشوفهم عند حماتي شافهم ساعه وبعتهم تاني يوم اكلم حماتي فين جوزي تقولي معرفش جه يوم ومشي وقضي اجازته كلها شهر مفكرش يشوف ولاده كلمته من خط تاني بعتله رساله احنا هنفضل كده لامتي لازم نقعد ونتكلم قالي قابليني في كافيه قابلته قالي انتي عايزه ايه قولتله انت اللي فيه ايه قالي ننفصل قولتله ليه قالي خلاص انا مش قادر اتحمل تعبت قولتله تعبت من ايه هو ايه اللي حصل ماانا ياما اتحملت كتير انت عارف انا بحبك قد ايه وعشان خاطر ولادنا يقولي متضغطيش عليا بالولاد مصروف الولاد هيوصل كل شهر وملكيش حاجه عندي انا طبعا انهارت بالعياط غصب عني وسابني في الشارع وركب تاكسي ومشي انا يومها شوفت دبله في ايده غير دبلتي شكيت انه خطب حد او يعرف حد بس تخيلوا انا اكتشفت اخر يوم في الاجازه بتاعته انه اتجوز واحده كان يعرفها من وانا معاه هناك من ع النت متجوزه مرتين ومعاها بنت من جوزها الاول وولد من جوزها التاني اتجوزها بعد مانزل الاجازه بتلت ايام وانا طول الاجازه اسال اهله ويقولوا منعرفش اخر يوم في اجازته اتصل ببنتي قالها تعالي عند تيته اشوفك روحت انا وخالي نتكلم معاه وقولتله هو انا ليه نزلت من السفر قالي عشان المدارس قولتله لا عشان فلانه وطلعتله قسيمة الجواز راح قايم ضربني بالقلم ورمي عليا يمين الطلاق وسافر ومشي ولدلوقتي بقاله شهر موثقش الطلاق رسمي اللي اتجوزها دي كانت بتعلقله ديما وانا سألته مين قالي دي واحده عادي سكت بعد فتره لقيتها عملتلي بلوك مبقاش يظهرلي تعليقاتها سألته هي تعرفني منين قالي اسأليها وانا طبعا سكت محبتش اكبر الموضوع دلوقتي انا اتكلمت مع حمايا انه يخليه يوثق الطلاق رسمي حمايا يقولي طلاق ايه متقوليش كده هيرد اليمين ودي جوازه فاشله مش هتكمل وعلي فكره هو خدها معاه في البلد اللي هو فيها قولولي انا غلط في الانسان ده في ايه يخليه يجرحني بالطريقه دي ويكسرني كده انا تعبانه جدا وبحاول اخرج من الصدمه بس مش قادره هو كان كل حياتي ٨ سنين غربه معاه مكنش فيه حد في حياتي غيره هو وولادي وكمان بابا اتوفي بعد مانزلت من السفر بشهرين معزانيش فيه كنت مستنياه يكون سندي وضهري تفتكروا انا غلط في ايه انا عارفه اني كلامي مش مرتب بس انا عارفه انكوا هتفهموني.

 

 

رد بريد قراء بوابة العاصمة

 

لله الامر من قبل و من بعد

المزيد من المشاركات
1 من 64

اولا مينفعش تبقي ضعيفة كدة ولادك معاكي لازم تفوقي عشان هما مالهمش ذنب في آب مستهتر

ثانيا ابتدي ارفعي قضايا خدي حقوقك منه

ثالثا الراجل المصري مينفعش تتعاملي معاه بكل الحب ده طبعا لازم يخونك ادام ضامن وجودك و عارف انك هتسامحي قوي قلبك شوية

 

 

 

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

windows 10 pro office 2019 pro office 365 pro windows 10 home windows 10 enterprise office 2019 home and business office 2016 pro windows 10 education visio 2019 microsoft project 2019 microsoft project 2016 visio professional 2016 windows server 2012 windows server 2016 windows server 2019 Betriebssysteme office software windows server https://softhier.com/ instagram takipçi instagram beğeni instagram görüntüleme instagram otomatik beğeni facebook beğeni facebook sayfa beğenisi facebook takipçi twitter takipçi twitter beğeni twitter retweet youtube izlenme youtube abone instagram