رئيس مجلس الادارة /طارق الدسوقى وتائبه /ايمان العادلى

السلام عليكم انا عاوزه حضرتك تنزل مشكلتي وياريت الاقي حل 

0

السلام عليكم انا عاوزه حضرتك تنزل مشكلتي وياريت الاقي حل

انا زوجه من ١٠ سنين جواز تقليدي عادي بس حبيته جدا انا الحمد لله ملتزمه وكنت اظنه هو كمان كده بس هو معايا عقلاني جدا جدا كل حاجه بحساب وبعقل اووي يعني مثلا مفيش مكالمه في وقت غريب مفيش هديه مفيش كلمه حلوه بدون مناسبه حياتي ماشيه معاه بالورقه والقلم طبعا تعبت كتير وطلبت التغيير ده بس هو دايما يتحجج بالشغل وانه دماغه مشغوله ويشيلني المسؤليه .شغله فيه سفر بيغيب اسبوعين مثلا ويرجع يومين رافض ياخدنا معاه علي اساس الوضع المادي مش مستقر رغم انه يقدر بس هو طبعا يقعد في قعده يقول ظروفي وتتحمل وكله ليها وللاولاد والدنيا كلها تيجي عليا واني لازم اتحمل واقف جمبه سواء من اهلي او اهلي زهقت

من سنه تقريبا صديقه في الشغل ومعاه بردوا في السكن اتعرف علي ست مطلقه ولفت علي صاحب جوزي واتجوزته عرفي وجوزي بيقول انه كان رافض عشان بيته ميتخربش بس بدات الاحظ انه مهتم وحابب الموضوع بصراحه بقيت افتش فونه من وراه لانه دايما مسافر لقيته كل سيرش عنده ازاي يجذب فتاه ليه .ازاي يخلي واحده مطلقه تتعلق بيه ده غير علاقات كتير اظن انها كلها تليفون مفيش زنا ولا حاجه .بس بيتكلم فون وجايب تليفون تاني من ورايا بيكلمهم منه للفجر وبيرسم علي جواز كمان يخلص واحده يشتغل مع التانيه وطبعا بطران جدا وبيطلع فيا القطط الفطسانه وانا ام العيال بدات انا اغير روتين حياتنا اجبله الهدايا اعامله كويسه اعمل البيت جو رومانسي اخرج وهو راجع واكلمه يقابلني بره واعزمه علي العشا

اغير من نفسي خالص وبدات اجيب كتب واتناقش معاه فيها لمده شهر كامل وبعده قررت ادور اشوفه لسه ولا خلاص لقيته لسه بيتكلم وكلهم مطلقات وشمال اصلا بس كلام وخروجات وبيدور ايه الهدايا اللي تعجبها وايه الحركات اللي لو عملها يجذبهاولغه الجسد رغم انه عمره ما فكر يفهمني او يعرف انا عاوزه ايه

مش هينفع طلاق لاني مليش مصدر دخل واهلي مش سند وفي نفس الوقت الفتره دي كلها اعصابي تعبت جدا وفقدت ثقتي في نفسي وبقيت عايشه جسد بلا روح كسر كل حاجه ليه وتعبت منه اوي وطبعا لو لمحتله علي صاحبه والبيئه اللي الست دي منها يفضل يشتم عليها وعلي اللي جابوها وانهم شمال وحريم من الشارع وانه بيحاول معاه يبعده عنهم وبيعمل معاه مشاكل وكلامه كله انهم ناس زباله وحريم ملهاش اهل طيب ليه هو مسحوب معاهم واتغير كده وبيحاول بينلي دايما انه مبيغلطش وانا بشوف الرسايل وعرفت انه بيكلمهم ومتجاوب وبيتعلم كمان اللي يجذبهم وحاليا ماشي مع واحده داخلين مع بعض دخله دين وعاوزها تلتزم وتبقي محترمه

عاوزه ابعد عنه بقلبي وانساه وابرمج عقلي وقلبي اني ميستاهلش لاني تعبت جدا الفتره اللي فاتت بس مش عارفه اعمل ايه وعوزاه يندم فعلا انه بيعمل معايا كده ويحس بخسراتي حتي لو كنت عايشه لسه معاه

 

المزيد من المشاركات
1 من 51

انا مش بعيب في اي مطلقه انا كلامي علي الوسط والناس اللي جوزي بقي موجود في وسطهم علي فكره فيهم ناس بتعرض نفسها عليها وبشوف رسايل قذره والله وتلميحات بتبعتها بس الغريب انه الموضوع عاجبه جدا وبيرد ومتجاوب اوي كمان لكن في ناس كتير منفصله ومحترمين جدا جدا اكتر من متزوجات كتير ربنا يهدي سر بنات المسلمين ويصلح احوالهم

 

حاجه كمان انا اسفه ع الاطاله هو مش بيسمحلي بالخروج والاختلاط والشغل نهائي بحجه خايف عليكي وبغير والبيت محتاجك اكتر وفعلا الفتره دي صعب لان في بيبي

 

رد بريد قراء بوابة العاصمة

بصي انتي ماشاء الله ست شاطره وذكيه وفي نفس الوقت عايزه تحافظي علي بيتك ..بصي استمري في التجديد اللي بتعمليه وفي نفس الوقت بلاش تدوري وراه نهائي لانك انتي اللي هتتعبي ..لاتدوري بعد شهر ولا بعد يوم قصه أنه يحس بقيمتك هو اصلا حاسس بيها ومتأكد من أن انتي مفيش زيك عنده بس هو زي اي راجل … اهتمي بنفسك لنفسك وعيشي حياتك وهو راجع راجع هيلف لفته ويرجع ملوش غيرك

 150 مشاهدات العاصمة,  20 views today

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد


Windows Lizenz Windows 10 Lizenz Office 2019 Lizenz Kaufen Office 365 kaufen Windows 10 Home kaufen Office 2016 kaufen windows 10 satın al windows 10 pro satın al follower kaufen instagram follower kaufen
%d مدونون معجبون بهذه: