الخاروف_المجلوط شي واقعي للاسف ” =

قصة حقيقة عن مواطن سوري “

مواطن سوري مربي خاروف مشان يضحيه على العيد. وصحى من النوم لقى الخاروف ميت….

أخدو لعند الدكتور البيطري مشان يعرف سبب الوفاة

وتفاجأ لما الدكتور قلو الخروف مات بالجلطة.

أدار المواطن وجهه للخروف ومسك قرونه وصار يحكي معو بتعجب وحرقه واستغراب ويقلو….

نجلطت ليش؟؟

ابنك_معتقل ومانك عرفان وينو؟

ولا ابنك_استشهد وصار دمو للتجاره ؟؟

خريج_جامعي وماعم تلاقي شغل ؟ وغيرك مابيعرف يفك الحرف وعم يقبض بالدولار وعايش ومريش؟؟
منشق وعم تشتغل عتال ؟
لك بس قلي شو يلي جلطك؟؟؟
لميت لفوقك ولتحتك مشان تسفر ابنك لبرا من خوفك عليه من ولاد بلدك؟؟
مديون ومانك عرفان شلون بدك توفي ديونك ؟؟
مانك قادر تشتري ملابس لولادك؟؟
بس فهمني شو يلي جلطك ؟؟
بيتك يلي عمرتو بتعبك وعرق جبينك صار عالأرض من ضرب الطيران والهاون ؟؟
بدك بيت أجار و ما حد عطاك ب ليرة سورية….
.تركت وظيفتك عند الدولة وقعدت ببيتك كرمال ثورة ولاد بلدك ولقيت حالك عاطل عن العمل والثوره تحولت لتجاره ؟؟
مقهور من الظلم والمحسوبيات يعني ؟؟
شو لجلطك فهمني ؟؟
مريض وماعم تحسن تتعالج لأن مرضك مالو علاج بالمناطق المحررة؟؟
جارك مادد كهربا وعم يشغل براد وغطاس وأنت يادوب بطاريتك عم تشغل عليها زرار بعد المغرب لأنك فقير ومامعك مصاري ؟؟
ليش نجلطت ؟؟
بتعرف واحد حرامي قبل الثورة وهلق مستلم منظمة أغاثة؟
بتعرف واحد كان مقضيا بالنصب والأحتيال والمقاصف وهلق صار إلو كلمتو بهل ثوره و النظام؟؟
صرلك سنتين مشتهي عالسمك ومانك حسنان تشتري ؟؟
ابن بلدك أم يسمسر ويشحد عليك.
رحت تشتري لحمه لقيت الكيلو ب3500؟؟
ولادك بشوفو الفواكة معلقة عند أبو الخضرة وبقلولك بابا شتريلنا بتجي أنت بتغير الموضوع؟؟
اجتك الجلطة ليش؟؟

بدلت جرة الغاز ب8000؟؟
موسم المونة رح يخلص ولسا ماجبت لبيتك شي لأن مامعك مصاري ؟؟
بعيد رمضان ماشتريت لولادك تياب ووعدتن تشتريلن بعيد الأضحى وقرب العيد ومانك عرفان شو تساوي؟؟
نجلطت ليش ؟؟
لايكون فيك احساس اكتر مني؟؟
روح_الله_يسامحك….