اقتليني
خالد المنصوري/مصر
اقتليني كمان وكمان
بسرعۃ لو بالأمكان
مش راح الومك بعد موتي
وان عشت هيكون سكوتي
الوم ليه والغدر ملاك
ومخبى ورا الضحكة هلاك
خد من عمري ده لو يرضيك
انا اللى حسبت فى يوم هفديك
خد وانسى انى في يوم حنيت
ليك ورسمت وجودك بيت
وان الاحلام اللى بنيتها
جيت بالغدر انت وهديتها
………………………………….
اقتليني لكن بهدوء
خليك نفس الشخص الذوق
ليه جاي بتطعن من ظهري
سيبني اشوف بعيونى قهرى
واعرف انى اتخانت فى ثانية
وانسى واروح للدنيا التانية
دنيا بريئة من اللى يخون
فيها الناس لا تبيع وتهون
انا سلمت انك مش مني
ولا شيءمنك فيا ساكني
يلا انجز وبسرعة انا ماشي
تبقا تزور قبري متنساشى
………………………………
اقتليني كمان وكمان
بسرعۃ لو بالأمكان
مش راح الومك بعد موتي
وان عشت هيكون سكوتي
خالد المنصوري/مصر
