رئيس مجلس الادارة /طارق الدسوقى وتائبه /ايمان العادلى

ارجوكم عندي مشكله بس ياريت بدوون اسم انا متجوزة من ١٠ سنين جواز يعتبر صالونات

0

ارجوكم عندي مشكله بس ياريت بدوون اسم انا متجوزة من ١٠ سنين جواز يعتبر صالونات فترة الخطوبه كانت فترة سيئه جدا لانو كان ف الجيش وانا بصراحه حبيته اكتر ماهو حبني وكان مطلع عيني تحكمات مش منطقيه خالص واوامر وخناق وكل حاجه بس انا تغاضيت ع دا كلو وقلت هيتغير بعد الجواز فكرت اني حبيته بس ونفسي اكون معاه واحساس الحب كنت عيشاه من طرف واحد للاسف المهم اتجوزنا وبعد مااتجوزت اكتشفت ان مامته هيا اللي كانت ضاغطه عليه انو يتجوزني عشان بنت كويسه وبنت ناس وهو مكنش عايزني اصلا واضغط عليه المهم بصراحه اتغير شويه بعد الجواز للاحسن ف اول سنتين مثلا و وخلفنا وعشنا كتير ايام حلوة الصراحه وبعدين اكتشفت كالعادة خيانه وطبعا رد فعل اي زوجه قلبت الدنيا وخناق وهو اعتزرلي وعدي الموقف بعدها حصل ظروف شديدة اضطريت اني اسيب شقتي كانت ايجار واعيش مع والدتو واختو وكان معاها اطفال بردو طبعا انا كنت عروسه وحاجاتي كلها اتبهدلت واتسرقت عشان كنا حاطين الحاجه ف مكان واكتشفت ان صاحب المكان دا سرق نص حاجتي وعيشت ٤ سنين مع حماتي وكان معايا ولدين طبعت ٤ سنين من عمري مش هقدر اقول غير اني كنت حاسه اني عايشه ف الشارع مليش مكان ابقي فيه لوحدي وولادي لسه صغيرين كنت طول الوقت حاسه اني هموت من خنقتي وقهرتي ع نفسي لاني كنت عارفه كويس اني مش هطلع من البيت دا بالساهل وخصوصا انو كان سلبي جدا كل مااتكلم معاه ف الموضوع يقولي انا ظروفي كدا ودي امكانياتي وطبعا دا غير ان حماتي ست كويسه جدا بس صعبه ف حاجات كتير واتعلمت منها كل حاجه بس كان ليها تحكمات ياما تقلب عليا المهم طول الاربع سنين بردو كان في خيانه ف النص مع واحدة بس هيا اللي كان عايش معاها كل حاجه حلوة وانا طول الوقت احساس اني مرميه وطبعا نفس رد الفعل مني اني لما بكتشف اس حاجه بفضل اعيط وانكد وبس محاولتش الجا لاهلي طول الوقت مش عايزة تدخل من اهلي عشان ميبقاش شكلو وحش معاهم او العلاقه تتقطع كنت بفضل مشاكلي بيني وبين نفسي ع الرغم من ان المشاكل كلها قدام اهلو وبصراحه كان اهلو معايا لما بكتشف انو خان تاني وكانو بيكلمو بس بردو ف الاخر بنزل ع مفيش هددتو ١٠٠ مرة اني اطلق واني هدخل اهلي انا طول الوقت بفكر ف عياالي انهم ميتحرموش من ابوهم لانو كويس جدا معاهم المهم اخيرا خدت شقه لوحدي بعد عذاب وبردو بعد موقف مني انا عشام روحت لاهلي ودخلتهم عشت ٤ سنين كمان ف شقتي لوحدي وكان العلاقه بينا بصراحه مكنتش كويسه ولما كان بيطلبني معظم الوقت كنت بقول حجج العيال وبتاع مكنتش متظبطه نفسيا واكتشفت بعدها انو اتجوز طبعا دي كانت الصاعقه بالنسبه لي طبعا عرفت والدنيا اتقلبت وهو كمان ف الفترة دي كويس جدا معايا وظروفو اتظبطت وبيدني كل حاجه ومعامله كويسه كمان لا فيها اهانه ولا ضرب طبعا فترة طويله عيشاها بحس ان روحي بتطلع وهو بيقولي ان هو محتاج واحدة تانيه ف حياتو لانو مختارنيش بس بيقولي انا بحبك جدا ومقدرش استغني عنك ومش هطقلك ومش هسمح انهم يطلعو بين اب وام منفصلين ولو عايزة تدخلي اهلك دخليهم وان هو معملش حاجه حرام يتحاسب عليها وان هو دا حقو الشرعي وانو لازم ياخدة انا مش عرفه اعمل ايه انا احساسي بيه قل جدااا عن الاول بس انا مش عايزة بيتي يتخرب لو سمحتو محدش يقولي اني سلبيه مش عايزة اسمع كلام انتي ليه ساكته والله انا اللي فيا مكفيني وربنا عالم باللي ف النفوس اسفه للاطاله

#تعديل

تعديل بسيط نسيت اكتبه انا اصلا رافضه الوضع وفي نار قايدة مش بتطفي وانا مش واخدة قراري زي ماالبعض قال انا كل يوم ف النازل وع اخري ونفسيا زفت شبه مدمرة مش عارفه ااقلم نفسي اني اكمل واستحمل انا اتحملت بما فيه الكفايه ولا قادررة اخد قرار الانفصال عشان في ولاد ومش عارفه امسك العصايه من النص زي مابيقولوا ادعولي ربنا يهون عليا ويفك كربي ويبرد ناري لان اللي جوايا ربنا وحدة اللي يعلم بيه

 

المزيد من المشاركات
1 من 51

رد بريد قراء بوابة العاصمة

هدووووووء نفس عميق وفكري انتي مش قد الطلاق نفسيتك بتدمر واولادك هيتبهدلو عندك حليين ياما تعيشي في نكد وتاخذي كل حاجه على قلبك وتموتي بعيد الشر بدري بدري ياما تتأقلمي وتفكري في نفسك واولادك بيتك حياتك وجوزك يفضل جوزك ومتفكريش كتير في موضوع جوازه التاني ويعمل الي هو عاوزه بقي انتي تقرفي نفسك ليه وهو دا حل اقل خساره من الطلاق

 118 مشاهدات العاصمة,  2 views today

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد


Windows Lizenz Windows 10 Lizenz Office 2019 Lizenz Kaufen Office 365 kaufen Windows 10 Home kaufen Office 2016 kaufen windows 10 satın al windows 10 pro satın al follower kaufen instagram follower kaufen
%d مدونون معجبون بهذه: