احذر الباب الموارب

 

بقلم / هند يوسف

 

من أصعب الاشياء المهلكه للنفس فعلا هي الابواب المواربه العلاقات اللي هي لا انتهت ولا هي مكمله …الناس اللي مخرجتش بشكل نهائي من حياتنا والناس اللي ما حافظتش علي مكانتهم عندنا …

صراع داخلي بين القلب المحب والعقل الواعي وبنتعلم أن اللي بيحبك بجد عمره ما يحطك في الصراع ده …قفل الابواب المواربه بيوجع جدا بيعلم اوي في الروح بيكسر جواك حاجات محدش بيحسها غيرك واوقات كتير بتحمد ربنا بعد ما تفوق انك كان لازم ما تسيبش الباب موارب لاي سبب من الأسباب

….لان الباب الموارب بيقسمك نصين نص رافض يكمل ونص متعلق وعايز يستمر ….

المشكله في العواقب في النتايج في خوض المعركه وانك تكون مقسوم نصين صراع نفسي رهيب لو هاتسيب بابك موارب يبقي تتحمل كل العواقب وما تلومش غير نفسك ….

نفسك وبس !؟