.أنا ف مشكله معايا مش عارفه احلها بقالي ٣سنين مشكلتي ان جوزي كان بيحب بنت خالتو قبل مايخطبني ع حسب كلام أخته

قعدوا مع بعض ٨سنين وحصلت مشكله مابينهم وسابوا بعض

وبعدها مامته شافتني ف مكان وخطبتني ليه جواز صالونات

وللاسف لحد دلوقتي بيحبها وبيحبها جداا وده أنا ملاحظاه ف

تصرفاته زي لما بيسمع أن متقدملها حد بيبقي هيتجن وكمان ف

يوم ف الشهر بنتجمع كلنا ف بيت العيله وهيا بتاجي حرفيا

عينه مش بيشلها من عليها وبيزعل لما بيعرف انها مشت

مكملتش القاعده بصراحه البنت محترمه ومتجنباه خااالص

وعمرها ما حاولت تضايقني وجميله جدااا عيون زرقا وبيضه

قمر زعلانه ع نفسي اووي من يومين كنا قاعدين أنا وابني وهو

بقوله هو انت بتحبني قالي ايوا بس انا عارفه أنه كداب

محبنيش لأن تصرفاته عليها فضحاه لدرجه الاسبوع اللي فات

كنا عند مامته وقالت ده في عريس متقدملها موافقين عليه

تخيلوا اول كلمه طلعت منه قالها هيا موافقه اقسملكم بالله أن

أمه اتكسفت وبصتلي عشان منظري قدامها وع طول مخنوق

من وقت ماعرف وبالصدفه بقلب ف الواتس لقيته باعت

لصاحبه الانتيم بيقوله أنا مش متخيل أن حد ياجي جمبها غيري

وانه لسه بيعشقها ومش عارف يكرها وان اسعد يوم ف حياته

لما بيشوفها وصاحبه الله يبارك له بيحاول ينصحه أن خلاص

انت اتجوزت وخلفت انساها وبيحاول يطفش العريس عارفين

أما بسال نفسي كل يوم أنا ليه محبنيش؟طب هيا تفرق ايه عني

عشان هيا جميله وانا جمالي متوسط طب دي خلقه ربنا طب

اعمل ايه اكتر من أن ع طول بحسسه أن هو أهم حد ف حياتي

..طب أنا متحبش طيب اساله كتيير بسالها لنفسي عاوزاكم

تدعولي اعمل ايه وكمان تدعولي أن ينساها .

تعديل ياجماعه هو بيعاملني حلو ومكفي بيته من كل حاجه

ومش مخليني عاوزه حاجه وده بيخليني اتوجع اكتر أنه

متقبلني كزوجه بس مش بيحبني

 

 

رد بريد قراء بوابة العاصمة

القلوب بيد الله وحده يقلبها كيف يشاء والرسول عليه الصلاة والسلام كانت احب نساؤه السيدة عائشه رضي الله عنها انا عارفه ان صعب ع ست انها تحس انها مش محبوبه بس الراجل يقدر يحب اكتر من ست ومش بيحب عشان الشكل فمتخليش الشيطان يوهمك بحاجات ويخرب عيشتك انتي ليكي المعاملة والنوايا والقلوب لله وعيشي وافرحي بنفسك وابنك

ربنا يعينك الموضوع مش سهل بس عليكي بالدعاء و ربنا يوفقها هي كمان و تتحوز و ساعتها هو هينساها اصبري و احتسبي و علي ثقتك بنفسك و اشغلي نفسك