أنا زوجه تانيه بجواز شرعي عند مأذون بس بدون علم أهله ومراته الأولي أنا صغيره ف العشرينات وهو ف نص التلاتينات جوزي متجوز بنت خالته بحكم انهم قرايب

 لما اتجوزها اكتشف أن عندها مشاكل ف القلب تمنعها من العلاقه وهو كان عنده مشكله ف الخلفه وقعد يتعالج وبطل وبعدها شافني ف مكان واتقدم وصارح اهلي بكل حاجه عنه ووافقنا وانا وافقت جوزي مراته الأولي ف بلد أهله وانا اخدلي شقه جمب مكان شغله وطول فتره شغله بيقعد معايا بيقضي شهرين معايا وبينزل إجازته الطبيعيه بيقضيها معاها اللي هيا اسبوع أنا ساكنه ف القاهره متجوزاه بقالي 4سنين هو طيب وجدع من سنه حملت وجبت ولد وهو طار من الفرحه حرفيا وكان بيبكي أن اخيرا ربنا كرمه بالخلفه بعد ماكان بيتعالج وفاقد الاول وللاسف ياريت ماخلفت بالصدفه كان نايم وكنت محتاجه فلوس فسحبت فلوس من الاوضه لقيت وصل لمعمل تحاليل كبير مرضتيش اساله وقولت يمكن بيطمن ع صحته بعدها بفتره مسكت الموبايل بلاعب ابني عليه لقيت ابني فتح الرسائل ولقيت رساله من المعمل أن التحاليل طلعت ومحتاجين المبلغ لأن جوزي دفع نص المبلغ بسبب المبلغ كبير شكيت وقعدت ادور من وراه واخدت الوصل وروحت للمعمل السكرتير رجع بالبيانات طلع أن البيه جوزي عمل تحليل DNAللولد عشان يتأكد من نسبه ليه لان شاكك ف نفسه أن مبيخلفش وكمان مكنش متابع مع دكتور ووقف العلاج خربتها حرفيا عليه وبهدلت الدنيا عليه عايش معايا وشاكك فيا وعمل التحليل من ورايا لما رجعت البيت قعد يهبد باي كلام وبعدها اعترف بغلطه وقعد يتأسف كتيير ويقولي حقك عليا وسامحيني وحاول يمنعني أن أمشي اروح بيت ابويا وقفل كل حاجه عليا عشان مخرجش وصممت وخرجت وجه تاني يوم يصالح فيا ومردتش اقول لاهلي عشان ميصغرش قدامهم بالذات أن هو جدع معاهم وبيقف معاهم ف الحلوه والوحشه وبيحبوه جدااا وقعد يتكلم معايا لوحدينا وروحت البيت بس حرفيا مش طايقاه خااالص ولا طايقه قاعدته معايا ونفسيتي زفت هو متعلق بابنه جدااا مبيستحملش عليه الهوا حرفيا وميقدرش يبعد عنه حتي لما بيسافر اسبوع إجازته عند مراته بيكلمني كل ساعه فيديو يشوف ابنه ومش عاوز يفهم أن أنا شايله منه ومش قابلاه لأن جوزي من النوع اللي بيحب العلاقه جدااا وعاوز كل يوم مرتين تلاته بسبب أن متهناش ف جوازته الأولي وكل شويه يطلبني وانا بتحجج باي حاجه تعبانه أو اعمل نفسي نايمه بس فعلا مش طايقاه ياجي جمبي وهو مش عاوز يفهم ده وعادي عنده أن يغصبني ف الموضوع ده أنا طلبت الطلاق منه قعد يترجاني وان هو مبسوط معايا ومتهني وان دي غلطه بس للاسف أنا مش عارفه اتخاطها نهأي وشغال يقولي انتي بتمسكيني من الايد اللي بتوجعني عشان العلاقه رفضها منه هو مش عاوز يفهم أن أنا شايله منه اعمل ايه معاه واتخطي ازاي وهنسي حاجه زي دي ولا هتفضل منغصه عليا عيشتي

 

 

 

 

رد بريد قراء بوابة العاصمة

دي في صالحك هتعيشي طول عمرك في امان ومرتاحه البال

 

وكده هوة اطمن برضو

هوة راجل مش بيخلف وعنده مشاكل

طبيعي يتهبل لما يخلف

ميعرفش ان كرم ربنا عظيم

 

ليكي حق تزعلي بس ده في مصلحتك جدا

طالما كويس سامحيه

وعديها