أفتاكسات زوح صائم

إيمان العادلى

الحلقة الحادية عشر

إلهام وممدوح

إلهام : أيه ده يا ممدوح السلطة مالها طعمها غريب كده ليه ولونها غامق يا حبيبى

مش لونها أبيض كده والخضار مصفر

رهف وخالد : يع يا بابا فيها طعم غريب

بس حناكلها يا حبيبى ( عاوزين نعدى الليلة ونجيب لبس العيد ونجدد باقة النت )

رهف : أه يا حبيبى حناكلها يعنى حناكلها ( أه يا بطنى يانى بس كله يهون علشان لبس العيد )

إلهام : ها يا ممدوح سيبك من الولاد وقولى مالها السلطة دى يا حبيبى ( يا ترى أفتكست أيه تانى يا جوزى أه يا مرراتى بس لازم أسمع كلام الولاد وأكبر الجى )

ممدوح : عجبتكم صح

دى بقى سلطة خضار الشيف ممدوح ههههه وسر من إسرارى المطبخية

إلهام : قول بقى يا حبيبى سر الخلطة

خالد ورهف : قول بقى يا بابا عرفنا السر فى الجمال ده ( اه يا غلبنا يا نااااا من عمايل أبونا وبطننا أللى وجعتنا )

ممدوح : هههههه مصرين برضه

حقولكم سر وصفاتى الممدوحية

بصوا بقى سر الطعم الغريب الجميل ده أنا فكرت وقدحت زناد الموهبة عندى وحطيت مستردة مع حبة كاتشب بدل المايونيز

عملت صوص خاص بيا هههههه

أيه رأيكم

إلهام : مستردة يا ممدوح مع كاتشب يا لهووووى

حرام عليك

مستردة على خضار مسلوق فى السلطة أزاى يا حبببيى

ممدوح : هى دى الشطارة والعبقرية أيه رأيكم ههههه

إلهام ورهف وخالد : اه اه حلو يا بابا بس متكررهاش تانى

خلى أخترعاتك حصرية يا حبيبى مرة واحدة بس ( لحسن كده حنموت بصراحة )

إلهام : اه أنا من رأى الولاد برضه

الوصفة تتعمل مرة واحدة حصرى وكده فلة شمعة منورة

بقولك يا حبيبى عاوزة أتكلم معاك

واحنا بنحبس كده بكوبيتين الشاى اللى يظبطوا الدماغ دول

ممدوح : خير يا روحى قولى

انا مبسوط اوى النهاردة علشان الوصفة عجبتكم

إلهام : ربنا يبسطك علطول يا حبيبى

رهف وخالد : ( خشى عليه يا ماما بالتقيل علطول قبل ما يصحصح لنا ) ماشى يا بابا ماشية معاك يا مشهيصنا وصفات يا قمر

إلهام : يلا يا واد أنت وهى على أوضتكم وسبونى أقول الكلمتين

ممدوح : ايه يا حبيبتى داخلة مجلس الأمن ولا أيه ما تقولى عاوزة ايه

إلهام : بص يا حبيبى العيد بعد 4 أيام

عاوزين نجيب لبس العيد والكحك والبسكوت

ممدوح : لبس ايه وبسكوت ايه يا هانم

ايه مفيش أى تفكير خالص

مفيش كورونا

مفيش إحساس بالمسؤلية

إلهام : يعنى ايه يا ممدوح

سامية أختى أحسن منى ولا أختك إعتدال ولادها أحسن من ولادى

علشان يجيبوا لبس العيد واحنا لأ

ولا الكحك والبسكوت كمان

مفيش عيد من غيرهم

ممدوح : يبقى مفيش

بكرة حنشوف ممدوح وإلهام حيكملوا خناقهم ولا ممدوح حيسمع كلامهم

أنتظرونى بكرة