أفتاكسات زوج محظور
(الجزء الثانى )أفتاكسات زوج صايم
إيمان العادلى
الحلقة السادسة والخمسون
إلهام و ممدوح
(الجزء الثانى )أفتاكسات زوج صايم
بعد مناقشات وشوية حبشتكنات
وحبة قفشات من ممدوح
إلهام عرفت حيودى الفلوس فين
و ٠٠٠٠٠٠٠ تعالوا نشوف
ممدوح : فهمتى يا بحر المفهومية الفلوس حتاخدها ليه
إلهام : فهمت يا دوحة بس انت الحظر غيرك يا حبيبى وبقيت بتكيد فيا
ممدوح : لا اسم الله عليكى متغيرتيش خالص وماشية فى البيت كده نسمة لا بتهشى ولا بتنشى ولا الجيران سامعين صوتنا
إلهام : أنااااا يا دوحة
ممدوح : ايوة أنتى حتى أفتكاساتى المطبخية منعتينى منها وفضحتنى عند العيلة كلها
إلهام :بطل إسلوبك المستفز معايا و٠٠٠
ممدوح : شايفه نفسك يا إلهام بطلتى تهتمى بيا بين الحظر زهقك منى ولا بتهتمى بنفسك وإيه كمان الربطه اللى انتى رابطها دى ليل نهار على شعرك ؟ ده منظر ده؟
إلهام : ايه عندى صداع انت مالك بتضحك على ايه؟
ممدوح : برجع بذاكرتى لوراء وبضحك على نفسي
إلهام : سلامتك يا بيبى انت اتجننت ولا إيه ههههههه
ممدوح: بفتكر لما كنت هتجنن عليكى زمان و هموت واعرفك وتحبينى
إلهام : أيوة طبعاً..كنت هتموت عليا وكنت بتعاكسنى وتمشى ورايا وتفضل تبحلق فيا بالساعات
ممدوح : الظاهر بقى الواحد كان عبيط
إلهام : ليه ان شاء الله
ممدوح : كنت فاكر إن الجواز حلو وحتفضلى تتدلعى ليا مش محبكالى راسك بالبتاع اللى عليها ده ( وبقيتى شبه عم يحى البواب)
إلهام : يا سلام وأنا كمان كنت فاكره انك حتفضل تحبنى مش تكدنى كل يوم ببوسى وجارتنا أنغام
إهئ إهئ
ممدوح : أتكتمى وإوعاكى تعيطى ها مش عاوز وجع دماغ
ألا ليه احنا بقينا كده يا حبيبتى
إلهام : كده اللى هو ازاى يعنى
ممدوح : اللى هو طول اليوم زعيق وخناق وصوت عالى ونقار فى بعض
إلهام :مش عارفه يمكن من الحظر يا حبيبى وأنك فى وشنا ليل نهار
ممدوح : ممكن برضه اول ما الحظر يفك ناخد لنا أجازة نسافر فيها نغير جو نبعد شوية عن الضغوط والمشاكل ونعيش لنا يوم عسل يا حبى
إلهام : سفر أيه بس يادوحة احنا ناقصين مصاريف
ده يدوب الحظر يفك من هنا وانزل اشترى حتتين هدوم للعيال
وأنا كمان أجيبلى طقمين حلوين وأشيل القمطة من على راسى
وعاوزة أشترى طقمين ملايات و٠٠٠٠٠
ممدوح : إلهام بقولك غورى من وشى الساعة دى
يقطع الجواز واللى يتجوزوه
واقولك ويقطع العيال ويقطعنى أنا كمان
يا لهووووووووى من مراتى وأيامى معاها و ٠٠٠٠
أستنونى بكرة ونشوف
يجب عليك تسجيل الدخول لكتابة تعليق.