أفتاكسات زوج محظور
(الجزء الثانى )أفتاكسات زوج صايم
إيمان العادلى
الحلقة الخامسة والخمسون
إلهام و ممدوح
(الجزء الثانى )أفتاكسات زوج صايم
ممدوح طفش من إلهام وعمايلها
والحظر وسنينه
و٠٠٠٠٠٠٠ نشوف
ممدوح : فهمتى يا هانم يا عاقلة يا رزينة ولا أى حد يقولك كلمتين تصدقيه
بقى يا مجنونة علشان كنت بحاسب البت بوسى أللى ماسكة محل البلاى ستشن وبديها الفلوس أبقى أتجوزتها خلاص
خالد : فعلا يا ماما بابا عنده حق وأنتى كبرتى على كده برضه
إلهام : كبرت أيه يا سى زفت أنت كمان أسكت وخليك فى خيبتك
ممدوح : أنت كمان عال يا هانم
مين الزفت الأولانى
ردى
رهف : مش قصدها يا بابا دى زلة لسان منها
مش كده يا ماما ( لمى الدور بقى يا ماما وأختصرى النكد شوية)
إلهام : (حتى أنتى يا مقصوفة الرقبة)
حاضر يا دوحة حقك عليا ولاهتسمعلى صوت تانى..ومش هتسمع غير حاضر ونعم..والنبى ماتزعل وحياة أغلى حاجة عندك
ممدوح : معنديش حد غالى
ده أنتى كرهتينى فى البيت
إلهام :طيب اعمل إيه علشان تصدق انى ندمت وحصلح كل غلطى ومش حزعلك تانى
ممدوح :متعمليش خلاص
إلهام : يعنى سامحتنى خلاص
ممدوح :ماقلنا خلاص بقي ..ربنا يهديكى..بقولك إيه
إلهام : ايه؟
ممدوح : خشى جيبيلى من اللى معاكى 5000ج عاوزهم
إلهام: يا لهوووى عاوزهم فى أيه
ممدوح :إيه فيه ايه..مالك بتصرخى ليه؟
وحقك عليا خلاص وتبت يا دوحة
علشان خاطر خالد ورهف
يبقي تحطى لسانك جوه بؤك وصوتك ميعلاش فى البيت تانى ..انتى فاهمه؟
إلهام : إهئ إهئ فاهمة يا دوحة
بس بستفسر يعنى عاوز الفلوس فى أيه
هو يعنى حرم السؤال ولا حرم
خالد : أيوة صحيح يا بابا
ماما حقها تسأل وتعرف ليه
ممدوح : نقصاك أنت الاخر يا سى خالد ما هى هزلت أصلا
إلهام : طيب قول لأبنك عاوز الفلوس فى أيه
ممدوح : قومى يلا جيبى الفلوس على ما ألبس هدومى
إلهام : إهئ إهئ يا عينى عليكى يا إلهام وأللى بيجرى لك
خد الفلوس أهى مش حتقول عاوزهم ليه
ممدوح : حروح أديهم ل بوسى
ههههههههه
إلهام : يا لهوووووووى يا أناااااا
إلحقونى يا عيال أبوكم حيموتنى
أستنونى بكرة ونشوف
