أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الرابعة والأربعون
(الجزء الثانى ) أفتاكسات زوج صايم
إلهام وممدوح
ممدوح وإلهام مسكوا فى بعض كالعادة نعمل ايه الحظر وسنينه
يوووة وحبة حبشتكنات و ٠٠٠٠٠
رهف : يووووة بقى يا بابا
اى اى سيبنى أفهمك بقى
دى مش طريقة حوار متحضر مع أنسة زييا
ممدوح : كمان أنا همجى يا رهف
عال دى كملت أوووى
شوفتى تربيتك يا إلهام
رهف : يا بابا يا حبيبى أسمعنى وبلاش خناقات مع ماما
لو معجبكش كلامى خلاص
إلهام : خلاص يا ممدوح حبة هدؤ نسمع البنت ونكمل خناق بعدين
ممدوح : ماشى يا هانم أتريقى أنتى كمان
ما البنت طالعة لك
إلهام : أناااااا ال٠٠٠٠٠٠
رهف : أستوب بقى والنبى يا ماما سيبينى اتكلم أبوس دماغك يا حبيبتى وبلاش تردى عليه
إلهام : علشان خاطرك بس حسكت أهو
إتكلمى بقى خلينا نخلص وأشوف اللى ورايا
رهف : بص يا حبيبى مش أنت نفسك إدخل كلية طب
ممدوح : لأ نفسى تدخلى صيدلة بدل أخوكى الموكوس اللى فى تجارة
رهف : ماشى يا حبيبى صيدلة
الإمريكن يا بابا فيها 6 أمتحانات فى السنة يعنى عندى 12 امتحان فى سنتين أجيب بيهم مجموع الصيدلة وحدرس يدوب 3 مواد بس
ممدوح : عال عال نظام حلو أيه المشكلة بقى
رهف : حضرتك المشكلة يا بابا أول ما سمعت أمريكن ومسكت فيا أنا وماما
إلهام : أنا ساكتة اهو وحاطة لسانى فى بقى
ممدوح : هاتى الأخر يا رهف
المصاريف كام ؟
رهف : 75000 ج يا حبيبى
ممدوح : اه فى ال3 سنين ثانوى صح
زى مدرستك كده اللى أنتى فيها
مش فارقة خالص والله
رهف : لأ يا بابا ال 75000 فى السنة الواحدة ده غير كل محاولة حتدفع 500 ج بس
ونوفر الدروس الخصوصية
ممدوح : فى السنة صح و500 بس
أه بسيطة خالص
إلهام تعالى على جنب كده لحسن الكمودينو يجى فيكى
محدش يحوشنى ولا يمسكنى
أه يا أناااااا من الحظر وعمايله
أستنونى بكرة ونشوف
يجب عليك تسجيل الدخول لكتابة تعليق.