أفتاكسات زوج محظور
(الجزء الثانى ) أفتاكسات زوج صايم
إيمان العادلى
الحلقة الثانية و الثلاثون
(الجزء الثانى ) أفتاكسات زوج صايم
إلهام وممدوح
ممدوح مسك فى إلهام علشان قالت له على المشروع وعاوزة فلوس و ٠٠٠٠٠٠٠
تعالوا نعرف
ممدوح : تعاليلى هنا يا إلهام بقولك وقعتك سودة معايا زى شعرك كده
إلهام : إهئ إهئ إلحقونى يا عيال
طيب أهدأ بس وحشرحلك المشروع
ممدوح : قصدك التدوير يا هانم ده انا حروح فيكى السجن وأرتاح
رهف : فى ايه يا بابا مالكم
ماما بتجرى كده ليه
خالد : ههههه أنه إنتقام السماء
سبحانك يارب هههههه
إلهام : إمشى يا واد أنت والبت دى من وشى وسعولى كده خلونى إجرى من أبوكم
عيب كده يا ممدوح فضحتنا الجيران سمعوا صوتى
إهدأ كده بس وحشرحلك
ممدوح : جيران ها ده اللى أنتى شايلة همه بس
إلهام : ( يافرحة أنغام جارتنا فيا )
أهدى يا حبيبى كده وصلى على النبى بس
ممدوح : هييييه أللهم صل وسلم وبارك عليه إدينى أهو سكت ومش حجرى وراكى
تعالى بقى بالراحة كده وفهمينى أيه التدوير ده
إدينى هادى أهو
خالد : ايه يا بابا تهدى أزاى
الله وكمان حتسمع منها
لا لا يا بابا مكانش العشم
ممدوح : إخرس يا واد متسخنيش تانى
إلهام : بس يا واد انت وأختك وسيبونى أتكلم
ممدوح يا حبيبى تعالى ندخل اوضتنا على ما أجيب كوبيتين الشاى وطبق حاجة حلوة يستحق بقك يا روحى
ممدوح : ماشى يا هانم أما اشوف اخرك
إلهام : كيكة اهو لحبيبى وكوبيتين فى الخمسينة مزاج أهو
ممدوح : خشى فى الموضوع علطول
إلهام : بصى يا دوحة حنعيد تدويره يعنى حنغير النشاط علشان يمشى مع الحظر اليومين دول
ممدوح : إخلصى بقولك
إلهام : أهو متسربعنيش وأنا مسترسلة
احنا من الاخر كده حنعمل مشروع أكل تجهيزات اكل وأفراح كله منزلى ويتوصل ديلفرى للناس وحنعمل جروب لكده والدنيا تحلو يا دوحة
ممدوح : ها كملى كملى عاوزة الفلوس ليه
إلهام : اصطبر منا حقول اهو
عاوزين بوتجازات وأفران وصوانى والذى منه يعنى لزوم الطبخ
بص بقى عاوزة 20000 ج نصيبى ها
ممدوح : يا لهووووووى يا أناااا من مراتى
محدش يمسكنى.
أستنونى بكرة وحنعرف عملوا ايه
أستنونى ها
يجب عليك تسجيل الدخول لكتابة تعليق.