أفتاكسات زوج صايم بواسطة bwabt1 0 شارك إيمان العادلى الحلقة الثانية عشر إلهام وممدوح نستكمل بقى حوار العيد والكحك والبسكوت إلهام : يعنى أيه مفيش بسكوت ولا كحك ولا لبس عيد للولاد يا ممدوح ممدوح : هو كده زى ما قلتلك وسمعتى بودانك قال لبس العيد قال فى أم الكورونا دى هو أيه مفيش عندك تفكير ولا أحساس إلهام : يعنى ايه وماله الإحساس يا سى ممدوح ومال لبس العيد للعيال والبسكوت والكحك كل الناس اشترت الكحك وأولهم اختك إعتدال هى وعيالها واختى سامية كمان يعنى أنا وعيالى اللى حنتحرم من اللبس والكحك فى وسط العيلة أهئ أهئ أهئ يافرحتهم فيا ممدوح : فرحة ايه اللى فيكى دى كبرى دماغك كده وأعقلى يا إلهام وخلى عندك وعى وخافى على العيال وعلى نفسك لبس أيه أللى حتنزلى تشتريه ده انا يستحيل أوافق على كده أبدآ وعيطى وأعملى ما بدالك انا قلت مفيش لبس عيد ولا نزول سامعة الكلام وأوعى من وشى كده خلينى اقوم اضربلى فنجان قهوة بدل الوش أللى جبتهولى فى دماغى ده ( ستات فاضية والله ودماغهم تعبانة قال اختها واختى وكلام فاضى توب عليا يارب من هبل الستات ده ) إلهام : كده يا ممدوح بتسبنى وتقوم واحنا مرسناش على بر والعيد خلاص قدامه يومين أهئ أهئ أهئ أنا مش قعدالك فى البيت ورايحة عند ماما ولما تشوف حل وتعرف قيمتى وتقدر أبسط حقوقى انا والولاد حبقى أرجع ممدوح : يوووة أدى أللى أنتى فالحة فيه كل خناقة أروح ل ماما وتعرف قيمتى أقولك روحى يا إلهام وبرضه مفيش لبس العيد ها escort izmit خالد ورهف : يووة ماما بابا استوب بقى وكفاية خناقات ممكن تسمعونا شوية وتعرفوا رأينا فى الموضوع ده لو سمحتوا خمسة هدؤ واسمعونا ممدوح : ماشى يا سى خالد أنت وست رهف ما هى هزلت بس يلا يمكن الحل يجى منكم إلهام : ماشى حسمعكم عاوزين ايه بس والله لحمشى برضه وأروح ل ماما خالد : يا ماما يا حبيبتى لو معجبكيش كلامنا أمشى عند تيتى ايه رأيك يا حبيبتى أتفقنا إلهام : ماشى اتفقنا لما أشوف أخرتكم أنتم وأبوكم بكرة بقى حنعرف خالد ورهف حيعملوا أيه وأزاى حيحلوا مشكلة إلهام وممدوح أستنونى شارك هذا الموضوع:فيس بوكXLinkedInتويترTelegramWhatsAppمعجب بهذه:إعجاب تحميل... مرتبط 0 شارك FacebookTwitterWhatsAppالبريد الإلكترونيLinkedinTelegramطباعة
يجب عليك تسجيل الدخول لكتابة تعليق.