أسرة شهيد الاقصر مسلسل الاختيار قلب علينا المواجع ولكن أزددنا فخرا بأبننا البطل

الاقصر– حماده النجار السليمى

قالت أسرة الشهيد النقيب مصطفى حجاجى حلمى شهيد الاقصر خلال استماعهم للملحمه الوطنية مسلسل الاختيار .وقال شقيقه الاكبر المهندس وليد حجاجى .

النهارده الحلقه عندنا في البيت مختلفه عكس الناس كلها .الكل بيشاهد المسلسل

  علشان يشوف إلى حصل إنما احنا كل كلمه بتتقال بتفكر حد من أهالي الشهداء باابنه البطل .

احنا عندنا البيت قالب مناحه وبكاء بسبب الجمله اللي البطل الشهيد نقيب مقاتل محمد صلاح كان بيقول فيها

 دك الكمين احنا كده كده هنستشهد نستشهد احنا وهما بدل ماياخدو حد مننا

ودي نفس الجمله اللي قالها الشهيد البطل رائد مقاتل مصطفى حجاجى يوم الهجوم علي كمين ابو رفاعي فى سيناء يوم ١٨/٧/٢٠١٥ بعد العصر كان أول يوم العيد بواسطه سيارتان دفع رباعي اتعامل معاهم واستشهد جنود ممن كانوا معه في الكمين وبعدها طلب أنه الطيران يدك الكمين وقال نموت كلنا احنا وهما بدل ماياخدو الكمين ويرفعو عليه العلم الاسود وياخدو جثث شهادئنا يمثلو بيها

اللي مايعرفش مين الشهيد الرائد مصطفي حجاجي

مصطفي بطل من دفعه ابطال اسمها الدفعه 103حربية او دفعه الشهداء وهتلاقو كتاب بنفس الاسم ١٠٣حربيه بيحكي عنهم وعن بطولاتهم

 الشهيد مصطفي حجاجى تخرج من الكليه الحربيه ١٨/٧/٢٠٠٩ كان مساعد الكليه والاول علي دفعته

مصطفي اتخرج من الكليه الحربيه يوم ١٨/٧/٢٠٠٩ واستشهد في نفس تاريخ تخرجه يوم ١٨/٧/٢٠١٥ يعني بعد ٧ سنين بالظبط من تخرجه. وقال ايضا شقيقة عن اخيه البطل .

مصطفي كان بيحب الخير لكل الناس وييساعد كل الناس كان صاحب فكره أنه يعمل تكريم للشهداء دفعته وأنهم يجمعوا فلوس ويعملوا غرفة بنفس الاسم كا صدقه جاريه في مستشفي ٥٧٣٥٧ ليطلق عليها اسم الدفعه

وعمل مسجد في الفرقه ١٨ مشاه ميكانيكي قنطره

يوم حفل تكريم أهالي الشهداء فضل ينظمه وصمم أنه يتصور بجوار صور الشهدا تحت ايه ولا تحسبن الذين قتلو في سبيل الله امواتا بل احياء عند ربهم يرزقون أصحابه رفضوا وهو كان مصمم وقالهم محدش يعرف مش يمكن التكريم اللي جاي تكون صورتي دي معاهم

 وقال ايضا انا فاكر يوم استشهاده بكل تفاصيله وهو تقريبا كنت اول واحد يعرف الخبر تلقيته كالصاعقة التى المت بى .

مصطفي كل الناس اللي تعرفه وماتعرفهوش حضرت جنازته كانت أكبر جنازه ممكن حد يشوفها بسبب حب الناس ليه واحترام الكبير قبل الصغير في البلد الناس كلها بتحبه

مصطفي الله يرحمه كان شايل هم الناس وهو عايش وبعد أستشهاده

الملخص المسلسل عباره عن ملخص لجزء من اللي بيشوفوه اخواتنا واهلنا وولادنا في سينا وفي كل مكان ربنا يكون في عون كل حد ليه ابن أو أخ أو صاحب في سينا ويصبر كل ام شهيد